"Manchester Yunayted" matbuot xizmati ikki futbolchining jamoani tark etganini ma’lum qildi.

Qayd etilishicha, markaziy himoyachi Rafael Varan va hujumchi Antoni Marsyal klubni erkin agent sifatida tark etishmoqda.

Eslatib o‘tamiz, Varan "Manchester Yunayted"ga 2021 yilda kelib qo‘shilgandi. Bu vaqt ichida u barcha turnirlarda 95 ta uchrashuvda ishtirok etib, ikkita gol urdi va bitta golli uzatmani amalga oshirdi.

Marsyal 2015 yildan buyon "qizil iblislar" safida o‘ynab kelmoqda. Hujumchi hisobida 317 ta o‘yin, 90 ta gol va 47 ta golli uzatma bor.