"Манчестер Юнайтед" матбуот хизмати икки футболчининг жамоани тарк этганини маълум қилди.
Қайд этилишича, марказий ҳимоячи Рафаэль Варан ва ҳужумчи Антони Марсьяль клубни эркин агент сифатида тарк этишмоқда.
Эслатиб ўтамиз, Варан "Манчестер Юнайтед"га 2021 йилда келиб қўшилганди. Бу вақт ичида у барча турнирларда 95 та учрашувда иштирок этиб, иккита гол урди ва битта голли узатмани амалга оширди.
Марсьяль 2015 йилдан буён "қизил иблислар" сафида ўйнаб келмоқда. Ҳужумчи ҳисобида 317 та ўйин, 90 та гол ва 47 та голли узатма бор.
