Belgiyalik hujumchi Romelu Lukaku faoliyatining qaysidir qismida Saudiya Arabistonida to‘p tepishiga ishonadi. Hozirda uning transfer huquqlari «Chelsi»ga tegishli.
"Men bir kun kelib Saudiya ligasiga borishni xohlayman. Bilaman, u yerda futbol oxir-oqibat yuqori darajaga chiqadi. Saudiya Arabistoniga borish istagida bo‘lgan futbolchilar soni ortib bormoqda. U yerdagi muxlislar futboldan zavqlanishadi va ishtiyoqga ega. Infratuzilma hali ham yaxshilanishi kerak bo‘lishi mumkin, ammo menimcha, Yevropaning yirik klublari Saudiya jamoalari allaqachon kelayotganini his qilishmoqda. Siz buni boshqa sport turlarida, masalan, boks va golfda ko‘rishingiz mumkin. Ular allaqachon ko‘p narsalarni qo‘lga kiritishgan", - dedi belgiyalik forvard.
Avvalroq, Lukakuni «Milan» ijaraga olish istagini bildirgandi.
