Бельгиялик ҳужумчи Ромелу Лукаку фаолиятининг қайсидир қисмида Саудия Арабистонида тўп тепишига ишонади. Ҳозирда унинг трансфер ҳуқуқлари «Челси»га тегишли.
"Мен бир кун келиб Саудия лигасига боришни хоҳлайман. Биламан, у ерда футбол охир-оқибат юқори даражага чиқади. Саудия Арабистонига бориш истагида бўлган футболчилар сони ортиб бормоқда. У ердаги мухлислар футболдан завқланишади ва иштиёқга эга. Инфратузилма ҳали ҳам яхшиланиши керак бўлиши мумкин, аммо менимча, Европанинг йирик клублари Саудия жамоалари аллақачон келаётганини ҳис қилишмоқда. Сиз буни бошқа спорт турларида, масалан, бокс ва гольфда кўришингиз мумкин. Улар аллақачон кўп нарсаларни қўлга киритишган", - деди бельгиялик форвард.
Аввалроқ, Лукакуни «Милан» ижарага олиш истагини билдирганди.
