O‘zbekiston terma jamoasi bosh murabbiyi Srechko Katanes Turkmanistonga qarshi bahsdan so‘ng o‘z fikrlarini bildirib o‘tdi.

U bugungi bahsda nega rotasiyaga ko‘proq qo‘l urilmaganini aytdi. 

"Bu saralashga jiddiy yondashish kerak. Rotasiyaga o‘rin yo‘q edi. Gongkongga qarshi bahsda ham Eron asosiy tarkibni maydonga tashladi. Uzoq safar ga Gongkong bilan o‘yin bo‘lsa ham, ular o‘z prinsiplaridan voz kechmadi. 

Buni U-23 terma jamoasidagi futbolchilardan ham so‘rashingiz mumkin. Milliy terma jamoada ko‘p jismoniy kuch sarf etiladi. Hech qanday sinov kerak emas.

Zamonaviy futbol bugun o‘zgarmoqda, ikkinchi bo‘limda o‘yinni ko‘proq o‘zgartirish mumkin. Zaxiradan maydonga tushgan futbolchilar uchrashuv taqdirini ko‘p o‘zgartiradi.

Ayni paytda 10 ta o‘yinchi bilan JCHga chiqa olmaymiz. Bizga sifatli 17-18 ta futbolchi kerak bo‘ladi.