Ўзбекистон терма жамоаси бош мураббийи Сречко Катанец Туркманистонга қарши баҳсдан сўнг ўз фикрларини билдириб ўтди.

У бугунги баҳсда нега ротацияга кўпроқ қўл урилмаганини айтди. 

"Бу саралашга жиддий ёндашиш керак. Ротацияга ўрин йўқ эди. Гонгконгга қарши баҳсда ҳам Эрон асосий таркибни майдонга ташлади. Узоқ сафар га Гонгконг билан ўйин бўлса ҳам, улар ўз принципларидан воз кечмади. 

Буни U-23 терма жамоасидаги футболчилардан ҳам сўрашингиз мумкин. Миллий терма жамоада кўп жисмоний куч сарф этилади. Ҳеч қандай синов керак эмас.

Замонавий футбол бугун ўзгармоқда, иккинчи бўлимда ўйинни кўпроқ ўзгартириш мумкин. Захирадан майдонга тушган футболчилар учрашув тақдирини кўп ўзгартиради.

Айни пайтда 10 та ўйинчи билан ЖЧга чиқа олмаймиз. Бизга сифатли 17-18 та футболчи керак бўлади.