Tosin Adarabioyo Londonning “Chelsi” klubiga o‘tishga yakuniy roziligini berdi.
Markaziy himoyachi yaqin-yaqingacha “Fulxem”da o‘ynagan – shartnomasi yakunlangandan so‘ng erkin agent sifatida klubni tark etgandi. Yaqinda ma’lum bo‘ldiki, Adarabioyo allaqachon "Chelsi"da tibbiy ko‘rikdan o‘tmoqda va endi The Athletic xabariga ko‘ra, tomonlar mehnat shartnomasining barcha tafsilotlari bo‘yicha kelishib olishgan. Shartnoma to‘rt yilga mo‘ljallangan bo‘lib, "ko‘klar" yaqin vaqt ichida 26 yoshli futbolchi bilan shartnoma imzolaganini rasman e’lon qiladi.
Tosin Adarabioyo “Fulxem”da to‘rt yil to‘p tepdi. Londonga ko‘chib o‘tishdan oldin futbolchi "Manchester Siti"ga tegishli edi.
