Тосин Адарабиойо Лондоннинг “Челси” клубига ўтишга якуний розилигини берди.
Марказий ҳимоячи яқин-яқингача “Фулхэм”да ўйнаган – шартномаси якунлангандан сўнг эркин агент сифатида клубни тарк этганди. Яқинда маълум бўлдики, Адарабиойо аллақачон "Челси"да тиббий кўрикдан ўтмоқда ва энди The Athletic хабарига кўра, томонлар меҳнат шартномасининг барча тафсилотлари бўйича келишиб олишган. Шартнома тўрт йилга мўлжалланган бўлиб, "кўклар" яқин вақт ичида 26 ёшли футболчи билан шартнома имзолаганини расман эълон қилади.
Тосин Адарабиойо “Фулхэм”да тўрт йил тўп тепди. Лондонга кўчиб ўтишдан олдин футболчи "Манчестер Сити"га тегишли эди.
