Germaniya terma jamoasi bosh murabbiyi Yulian Nagelsmann terma jamoaning bo‘lajak Yevropa chempionati uchun tarkibi haqida gapirdi.
Turnir 2024 yilning 14 iyunidan 14 iyuliga qadar Germaniyaning 10 ta shahrida bo‘lib o‘tadi. Bundestim “A” guruhida Shotlandiya, Vengriya va Shveysariya bilan o‘ynaydi.
“Biz qaror qabul qildik. Lekin men buni hozir e’lon qilmoqchi emasman yoki bahsli futbolchi bilan gaplashmoqchi emasman.
Eng yomon holatda, ertaga kechqurun kimdir jarohat oladi va biz ishonmagan odam bir zumda safdan tushib qolishi mumkin", - deya mutaxassisning so‘zlarini keltiradi Sport24.
