Германия терма жамоаси бош мураббийи Юлиан Нагельсманн терма жамоанинг бўлажак Европа чемпионати учун таркиби ҳақида гапирди.
Турнир 2024 йилнинг 14 июнидан 14 июлига қадар Германиянинг 10 та шаҳрида бўлиб ўтади. Бундестим “А” гуруҳида Шотландия, Венгрия ва Швейцария билан ўйнайди.
“Биз қарор қабул қилдик. Лекин мен буни ҳозир эълон қилмоқчи эмасман ёки баҳсли футболчи билан гаплашмоқчи эмасман.
Энг ёмон ҳолатда, эртага кечқурун кимдир жароҳат олади ва биз ишонмаган одам бир зумда сафдан тушиб қолиши мумкин", - дея мутахассиснинг сўзларини келтиради Спорт24.
