Amerikalik afsonaviy bokschi, superog‘ir vaznda sobiq mutlaq jahon chempioni Mayk Tayson hamda bloger-bokschi Jeyk Pol o‘rtasidagi jangning yangi sanasi ma’lum bo‘ldi.
Tashkilotchilarning xabar berishicha, jang 15 noyabr kuni avvaldan belgilangan manzilda o‘tkaziladi. Oqshomning ikkinchi asosiy jangida Amanda Serrano hamda Keti Teylor to‘qnash keladi.
Eslatib o‘tamiz, Tayson - Pol jangi aslida 20 iyul kuni o‘tkazilishi lozim edi, biroq Maykning sog‘lig‘i yomonlashgani sababli, jang sanasida o‘zgarish yuzaga keldi.
