O‘z uyida bo‘lib o‘tadigan Yevropa chempionatiga tayyorgarlik doirasida Germaniya terma jamoasi juma kuni Gresiyaga qarshi o‘rtoqlik uchrashuvi o‘tkazdi. Bundestim bahsda 2:1 hisobida g‘alabani nishonladi. 34 yoshli Tomas Myuller 90 daqiqani zaxirada o‘tkazdi. Biroq, tajribali futbolchi o‘z imkoniyatini kutib, shunchaki zaxira o‘rindig‘ida o‘tirmadi.
Bild+ jurnalistlari Germaniya terma jamoasi bosh murabbiyi Yulian Nagelsmann Myuller bilan o‘yin borasida bir necha bor maslahatlashganiga e’tibor qaratishdi. Murabbiy va futbolchi nimalarnidir muhokama qilib, fikr almashishardi. Aslini olganda, Myuller o‘yin davomida zaxira futbolchisi emas, balki Nagelsmanning yordamchisi sifatida harakat qildi.
