"Arsenal"ning sobiq darvozaboni Yens Lemann jamoa bosh murabbiyi Mikel Arteta haqida gapirdi.
"Arteta yaxshi ishlab, "Arsenal"ni yangi darajaga olib chiqdi. Ammo u hozir jamoaga mosmi? Bunga ishonchim komil emas. Isbotlash kerak. Biz ikki marta APLni yutishimiz mumkin edi. O‘tgan yili "Arsenal" yetakchilik qilib, bir oy ichida sovrinni qo‘ldan boy berdi. Kulminasion vaziyat Saka "Vest Xem"ga qarshi hisob 2:0 paytida penaltidan gol ura olmaganda bo‘lgan, bahs durang bilan tugagan. Minus ikki ochko. Murabbiylarni yollaydigan odamlar ularning shaxsiyati ham muhim ekanligini tushunishmaydi. Mutaxassisning shaxsiyatiga e’tibor bering. U g‘olibmi yoki bizni yangi darajaga olib chiqib, shu bilan to‘xtaydigan shunchaki yaxshi yigitmi?" - deya Lemanning so‘zlarini keltirgan The Telegraph.
Eslatib o‘tamiz, “Arsenal” so‘nggi Angliya chempionatida ikkinchi o‘rinni egallagandi. Mikel Arteta jamoasi ketma-ket to‘rtinchi yil chempion bo‘lgan "Manchester Siti"dan ikki ochko ortda qoldi (89 va 91).