"Atletiko Madrid"ning 28 yoshli himoyachisi Mario Ermoso "Napoli"ga o‘tishga yaqin turibdi.
Xabarlarga ko‘ra, neapolliklar shu yozda shartnomasi tugaydigan ispaniyalik uchun kurashda raqiblaridan oldinda. Ermoso to‘rt yillik shartnomani xohlaydi, ammo "Napoli" faqat 2027 yilgacha kelishuv taklif qilmoqda. Shunga qaramay, hujjatlar deyarli kelishilgan deb ishonilmoqda.
Joriy mavsumda Ermoso barcha musobaqalarda 46 ta uchrashuvda ishtirok etib, ikkita gol va ikkita golli uzatmaga mualliflik qildi. Futbolchining klub bilan amaldagi mehnat shartnomasi 2024 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 25 million yevroni tashkil qiladi.
