"Bavariya" yana "Fulxem" yarim himoyachisi Joau Palinya transferini amalga oshirishga urunib ko‘radi.
Futbolchi o‘tgan yozda Myunxenga o‘tishga bir qadam qolgandi, biroq so‘nggi lahzada kelishuv barbod bo‘ldi. Yaqinda "Bavariya" portugaliyalikni bo‘lajak transfer oynasi uchun asosiy maqsad sifatida belgilagani xabar qilingandi. A Bola xabariga ko‘ra, myunxenliklar allaqachon Palinya bilan prinsipial kelishuvga erishgan. Uzoq kutilgan transfer amalga oshishi uchun “Fulxem”ning roziligiga erishish kerak.
Transfermarkt portali ekspertlari 28 yoshli futbolchining narxini 55 million yevroga baholamoqda. Uning londonliklar bilan shartnomasi 2028 yilgacha mo‘ljallangan.
