"Бавария" яна "Фулхэм" ярим ҳимоячиси Жоау Палинья трансферини амалга оширишга уруниб кўради.

Футболчи ўтган ёзда Мюнхенга ўтишга бир қадам қолганди, бироқ сўнгги лаҳзада келишув барбод бўлди. Яқинда "Бавария" португалияликни бўлажак трансфер ойнаси учун асосий мақсад сифатида белгилагани хабар қилинганди. A Bola хабарига кўра, мюнхенликлар аллақачон Пальинья билан принципиал келишувга эришган. Узоқ кутилган трансфер амалга ошиши учун “Фулхэм”нинг розилигига эришиш керак.

Transfermarkt портали экспертлари 28 ёшли футболчининг нархини 55 миллион еврога баҳоламоқда. Унинг лондонликлар билан шартномаси 2028 йилгача мўлжалланган.