«Real Sosyedad» va Ispaniya terma jamoasining 27 yoshli markaziy himoyachisi Robin Le Norman «Atletiko Madrid»ga o‘tishga yaqin turibdi. Bu haqda jurnalist va insayder Fabrisio Romano X ijtimoiy tarmog‘ida (sobiq Twitter) xabar berdi.

Manbaning xabariga ko‘ra, klublar o‘rtasida muzokaralar qizg‘in davom etmoqda, futbolchi bilan shaxsiy shartnomalar kelishib olindi.

27 yoshli Le Norman 2016 yildan beri «Real Sosyedad»da o‘ynab kelmoqda. O‘tgan mavsumda himoyachi barcha turnirlarda 43 ta o‘yin o‘tkazib, ikkita gol urgan. Futbolchining amaldagi klubi bilan shartnomasi 2026 yilning iyun oyi oxirigacha amal qiladi. "Transfermarkt" internet portaliga ko‘ra futbolchining taxminiy narxi 40 million yevroni tashkil qiladi.