«Реал Сосьедад» ва Испания терма жамоасининг 27 ёшли марказий ҳимоячиси Робин Ле Норман «Атлетико Мадрид»га ўтишга яқин турибди. Бу ҳақда журналист ва инсайдер Фабрицио Романо Х ижтимоий тармоғида (собиқ Twitter) хабар берди.
Манбанинг хабарига кўра, клублар ўртасида музокаралар қизғин давом этмоқда, футболчи билан шахсий шартномалар келишиб олинди.
27 ёшли Ле Норман 2016 йилдан бери «Реал Сосьедад»да ўйнаб келмоқда. Ўтган мавсумда ҳимоячи барча турнирларда 43 та ўйин ўтказиб, иккита гол урган. Футболчининг амалдаги клуби билан шартномаси 2026 йилнинг июнь ойи охиригача амал қилади. "Transfermarkt" интернет порталига кўра футболчининг тахминий нархи 40 миллион еврони ташкил қилади.
