"Monako" yarim himoyachisi Yusuf Fofana yozda klubni tark etadi, deb xabar beradi taniqli jurnalist Fabrisio Romano X ijtimoiy tarmog‘ida (sobiq Twitter).
Manbaning xabariga ko‘ra, futbolchi allaqachon monakoliklar bilan jamoani tark etishini kelishib olgan.
Hozircha transfer borasida muzokaralar bo‘lmagan bo‘lsa-da, Fofana o‘z faoliyatidagi yangi sinovga tayyor ekanini his qilmoqda.
25 yoshli yarim himoyachiga “Arsenal” va boshqa APL klublari, shuningdek, “Milan” qiziqish bildirayotgani avvalroq xabar qilingandi.
