"Bavariya"ning hujumkor yarim himoyachisi Jamol Musiala jamoaning yangi bosh murabbiyi Vensan Kompani haqida o‘z fikrlari bilan o‘rtoqlashdi.
“Men Kompani bilan ishlashni intiqlik bilan kutaman. “Manchester Siti”da u bilan birga o‘ynagan Leroy Sane va “Byornli”da o‘ynayotgan bir do‘stimdan u haqida ko‘p yaxshi gaplarni eshitganman.
Ha, "Byornli" Premyer-ligadan tushib ketdi, ammo Kompani himoyaviy uslubda o‘ynab, ochko olishni istamadi u o‘z falsafasiga sodiq qoldi va bu murabbiy uchun kamdan-kam uchraydi. Menimcha, uning g‘oyalari "Bavariya"ga juda mos keladi. Sane menga aytganidek, u har bir mashg‘ulotga jiddiy e’tibor qaratadi, asosiy e’tiborni to‘pga egalik qilishga qaratadi", - dedi Musiala.
