"Бавария"нинг ҳужумкор ярим ҳимоячиси Жамол Мусиала жамоанинг янги бош мураббийи Венсан Компани ҳақида ўз фикрлари билан ўртоқлашди.
“Мен Компани билан ишлашни интиқлик билан кутаман. “Манчестер Сити”да у билан бирга ўйнаган Лерой Сане ва “Бёрнли”да ўйнаётган бир дўстимдан у ҳақида кўп яхши гапларни эшитганман.
Ҳа, "Бёрнли" Премьер-лигадан тушиб кетди, аммо Компани ҳимоявий услубда ўйнаб, очко олишни истамади у ўз фалсафасига содиқ қолди ва бу мураббий учун камдан-кам учрайди. Менимча, унинг ғоялари "Бавария"га жуда мос келади. Сане менга айтганидек, у ҳар бир машғулотга жиддий эътибор қаратади, асосий эътиборни тўпга эгалик қилишга қаратади", - деди Мусиала.
