"Beshiktosh" "Zenit" bilan Jedson Fernandesh va Baxtiyor Zaynutdinov transferlari bo‘yicha kelishuvga erishdi, deb xabar beradi Haber Kartali.
Manbaga ko‘ra, ikki futbolchining transferi uchun "Zenit"dan jami 24 million yevro olinadi. Shartnomada bonuslar ham mavjud.
O‘tgan mavsumda 26 yoshli Zaynutdinov barcha turnirlarda 42 ta o‘yinda ishtirok etib, ikkita gol va bitta golli uzatmani amalga oshirgan.
25 yoshli Fernandesh o‘tgan mavsumda "Beshiktosh" safida barcha turnirlarda 45 ta o‘yin o‘tkazib, 3 ta gol va 6 ta golli uzatmaga mualliflik qilgan.
