Madridning “Atletiko” klubi hujumchisi Alvaro Morata jamoasini tark etish haqida o‘ylayotganini tan oldi. 31 yoshli forvardning "matraschilar" bilan yana ikki yillik shartnomasi bor.
“Men uchun eng oson yechim – Ispaniyani tark etib, xorijda o‘ynash. Nega meni bunchalik tanqid qilishayotganini hatto bolalar ham tushunmaydi. Diyego Simeone? U bilan hech qanday muammom yo‘q. Ammo men uning kelajakdagi rejalarining bir qismi ekanligimni bilmayman", - deya Morata so‘zlarini keltiradi jurnalist Fabrisio Romano.
Avvalroq Morata yozgi transfer oynasida Turinning "Yuventus" klubiga qaytishi mumkinligi haqida xabar berilgandi. Ispaniya chempionatining so‘nggi mavsumida hujumchi 32 uchrashuvda 15 ta gol urdi va 3 ta golli uzatmani amalga oshirdi.
