Мадриднинг “Атлетико” клуби ҳужумчиси Альваро Мората жамоасини тарк этиш ҳақида ўйлаётганини тан олди. 31 ёшли форварднинг "матрасчилар" билан яна икки йиллик шартномаси бор.
“Мен учун энг осон ечим – Испанияни тарк этиб, хорижда ўйнаш. Нега мени бунчалик танқид қилишаётганини ҳатто болалар ҳам тушунмайди. Диего Симеоне? У билан ҳеч қандай муаммом йўқ. Аммо мен унинг келажакдаги режаларининг бир қисми эканлигимни билмайман", - дея Мората сўзларини келтиради журналист Фабрицио Романо.
Аввалроқ Мората ёзги трансфер ойнасида Туриннинг "Ювентус" клубига қайтиши мумкинлиги ҳақида хабар берилганди. Испания чемпионатининг сўнгги мавсумида ҳужумчи 32 учрашувда 15 та гол урди ва 3 та голли узатмани амалга оширди.
