OFK Elit chempionlar ligasida ishtirok etadigan «Paxtakor» umumiy hisobda 12 million AQSH dollari miqdorida mukofot puli ishlab olishi mumkin. Buning uchun jamoa musobaqada g‘olib chiqishi lozim.
«Paxtakor» Liga bosqichidagi ishtirok orqali 800 ming AQSH dollari ishlaydi. Uni 1 million dollarga aylantirish uchun «sherlar» 12 ta jamoa ishtirok etadigan guruhni hech bo‘lmaganda 8-o‘rinda yakunlashi kifoya. Qolganini esa o‘zingiz hisob-kitob qilishingiz mumkin. OFK musobaqaning mukofot jamg‘armasini deyarli uch barobar oshirgani diqqatga sazovor.
