Albaniyada kelasi hafta parlament yig‘ilishi Yevro—2024 sababli bekor qilindi.

AS xabariga ko‘ra, Albaniya parlamentining 140 nafar deputatining aksariyati jamoaning Yevro—2024 guruh bosqichidagi o‘yinlariga tashrif buyurishni rejalashtirgan, ularning ko‘pchiligi esa Germaniyaga avtomobilda borishni va bir kundan ko‘proq vaqtni yo‘lda o‘tkazishni rejalashtirishgan. Shu sababdan payshanba kuniga belgilangan haftaning yalpi majlisi chorshanba kuni bo‘lib o‘tdi va keyingi haftadagi yig‘ilish bekor qilindi.

Qayd etilishicha, muxolifatning ayrim vakillari parlament harakatlariga salbiy munosabatda bo‘lib, majlisning bekor qilinishini reglamentning buzilishi deb hisoblagan. Chorshanba kuni bo‘lib o‘tgan yig‘ilishda Albaniya Demokratik partiyasi rahbari Gazment Bardi Albaniya bosh vaziri Edi Ramaga norozilik bildirdi.

“Siz parlamentga shaxsiy do‘koningizdek munosabatda bo‘ldingiz. Rahbar sifatida siz fuqarolarga sessiya nima uchun payshanbadan chorshanbaga ko‘chirilganini tushuntirishingiz kerak bo‘ladi. Siz buni bajarishga majbursiz, chunki siz muxolifat bilan maslahatlashmasdan bir tomonlama qaror qabul qilgansiz. Agar bunga Yevropa chempionatiga borish sabab bo‘lsa, bu — sharmandali ish ”, — dedi Bardi.

Albaniya terma jamoasi Yevro—2024 dagi yurishini shanba kuni Italiyaga qarshi o‘yin bilan boshlaydi. Albanlar guruh bosqichida Xorvatiya va Ispaniya bilan ham to‘qnash keladi.