Kolumbiyalik mashhur hujumchi Radamel Falkao faoliyatini vatanida davom ettirishi mumkin.

Jurnalist va insayder Fabrisio Romano o‘zining ijtimoiy tarmoqlarida yozishicha, «Milyonarios» klubi 38 yoshli futbolchining xizmatlariga qiziqish bildirmoqda. Qayd etilishicha, Falkaoning o‘zi Yevropada qolishni istamaydi va Kolumbiyaga qaytishga moyil. Futbolchi va klub o‘rtasidagi muzokaralar hozirda faol bosqichda.

Radamel Falkaoning so‘nggi klubi Ispaniyaning «Rayo Valyekano» klubi bo‘lib, u o‘tgan mavsumda 26 ta o‘yinda maydonga tushib, 4 ta gol urdi va bitta golli uzatmani amalga oshirdi. Kolumbiyalik futbolchining transfer narxi 800 ming yevroga baholanmoqda.