Колумбиялик машҳур ҳужумчи Радамель Фалькао фаолиятини ватанида давом эттириши мумкин.
Журналист ва инсайдер Фабрицио Романо ўзининг ижтимоий тармоқларида ёзишича, «Мильонариос» клуби 38 ёшли футболчининг хизматларига қизиқиш билдирмоқда. Қайд этилишича, Фалькаонинг ўзи Европада қолишни истамайди ва Колумбияга қайтишга мойил. Футболчи ва клуб ўртасидаги музокаралар ҳозирда фаол босқичда.
Радамель Фалькаонинг сўнгги клуби Испаниянинг «Райо Вальекано» клуби бўлиб, у ўтган мавсумда 26 та ўйинда майдонга тушиб, 4 та гол урди ва битта голли узатмани амалга оширди. Колумбиялик футболчининг трансфер нархи 800 минг еврога баҳоланмоқда.
