"Barselona" yaqinda Nike brendi bilan yangi shartnoma imzolaydi, unga ko‘ra klub yiliga 105-120 million yevro oladi. Bu haqda Sport.es xabar bermoqda.

Manba bergan xabarga ko‘ra, avvaliga Kataloniya klubi moliyaviy yil yakunlangan 30 iyungacha yangi shartnoma imzolashi rejalashtirilgan edi. Biroq “blaugrana” shoshmoqchi emas va 30 iyundan keyin shartnoma tuzadi.

Ta’kidlanishicha, Nike yana "Barselona"ga bir martalik shartnoma imzolash uchun bonus sifatida 100 million yevro to‘laydi.

Eslatib o‘tamiz, avvalroq tomonlar yangi shartnoma shartlari bo‘yicha kelisha olmagan va "Barselona" Nike bilan hamkorlikni tugatishga yaqin edi.