"Барселона" яқинда Nike бренди билан янги шартнома имзолайди, унга кўра клуб йилига 105-120 миллион евро олади. Бу ҳақда Sport.es хабар бермоқда.
Манба берган хабарга кўра, аввалига Каталония клуби молиявий йил якунланган 30 июнгача янги шартнома имзолаши режалаштирилган эди. Бироқ “блауграна” шошмоқчи эмас ва 30 июндан кейин шартнома тузади.
Таъкидланишича, Nike яна "Барселона"га бир марталик шартнома имзолаш учун бонус сифатида 100 миллион евро тўлайди.
Эслатиб ўтамиз, аввалроқ томонлар янги шартнома шартлари бўйича келиша олмаган ва "Барселона" Nike билан ҳамкорликни тугатишга яқин эди.
