Ukraina terma jamoasi yarim himoyachisi Aleksandr Zinchenko “ko‘k-sariqlar”ning Ruminiya terma jamoasiga qarshi Yevropa chempionatidagi ilk uchrashuvi arafasida fikr bildirdi.

“Hamma Ukrainadagi vaziyatni yaxshi biladi, bu biz uchun qo‘shimcha motivasiya, biz o‘zimizning eng yaxshi o‘yinimizni ko‘rsatishimiz kerak, keyin nima bo‘lishini ko‘ramiz.

Albatta, ko‘plab ruminiyalik futbolchilarni bilaman. Biz imkon qadar qattiq tayyorlanamiz. Ha, bizni qiyin jamoa kutib turibdi. Bu nihoyatda og‘ir o‘yin bo‘ladi, lekin yakunda bor e’tiborimizni o‘z o‘yinimizga qaratishimiz kerak.

Ukrainada ajoyib jamoa bor. Men maqsadimizga erisha olmasligimiz uchun hech qanday sabab ko‘rmayapman. 100 foiz aytaman, dushanba kuni biz boshqa o‘yinlardagidan ham ko‘proq narsani beramiz", - dedi Zinchenko Gazeta Sporturilor nashriga bergan intervyusida.

Eslatib o‘tamiz, Ukraina va Ruminiya uchrashuvi 17 iyun kuni bo‘lib o‘tadi.