Украина терма жамоаси ярим ҳимоячиси Александр Зинченко “кўк-сариқлар”нинг Руминия терма жамоасига қарши Европа чемпионатидаги илк учрашуви арафасида фикр билдирди.
“Ҳамма Украинадаги вазиятни яхши билади, бу биз учун қўшимча мотивация, биз ўзимизнинг энг яхши ўйинимизни кўрсатишимиз керак, кейин нима бўлишини кўрамиз.
Албатта, кўплаб руминиялик футболчиларни биламан. Биз имкон қадар қаттиқ тайёрланамиз. Ҳа, бизни қийин жамоа кутиб турибди. Бу ниҳоятда оғир ўйин бўлади, лекин якунда бор эътиборимизни ўз ўйинимизга қаратишимиз керак.
Украинада ажойиб жамоа бор. Мен мақсадимизга эриша олмаслигимиз учун ҳеч қандай сабаб кўрмаяпман. 100 фоиз айтаман, душанба куни биз бошқа ўйинлардагидан ҳам кўпроқ нарсани берамиз", - деди Зинченко Gazeta Sporturilor нашрига берган интервьюсида.
Эслатиб ўтамиз, Украина ва Руминия учрашуви 17 июнь куни бўлиб ўтади.
