Italiya terma jamoasi darvozaboni Janluiji Donnarumma 2024 yilgi Yevropa chempionati starti oldidan o‘z fikrlarini bildirib o‘tdi. Yevrodagi ilk o‘yinda italiyaliklar Albaniya terma jamoasi bilan to‘qnash kelishadi.
"Italiya terma jamoasining munosabati uch yil avvalgidek bo‘ladi: biz sehrli kechalarni boshdan kechirishni istaymiz, jamoa tayyor va mening maslahatlarimga muhtoj emas. Oxirgi yevroda terma jamoada bo‘lganlar qolganlarga aytadigan gaplari bo‘ladi.
Guruhimiz qiyin, Albaniya bilan o‘yin esa bir qancha tuzoqlarga boy. Ular tezkor va qarshi hujumlarni yaxshi ko‘radilar. Biz 90-daqiqada ham g‘alaba qozonishimiz mumkinligini bilamiz, ammo biz muvozanatli bo‘lishimiz kerak", - dedi Donnarumma matbuot anjumanida.
