Италия терма жамоаси дарвозабони Жанлуижи Доннарумма 2024 йилги Европа чемпионати старти олдидан ўз фикрларини билдириб ўтди. Евродаги илк ўйинда италияликлар Албания терма жамоаси билан тўқнаш келишади.

"Италия терма жамоасининг муносабати уч йил аввалгидек бўлади: биз сеҳрли кечаларни бошдан кечиришни истаймиз, жамоа тайёр ва менинг маслаҳатларимга муҳтож эмас. Охирги еврода терма жамоада бўлганлар қолганларга айтадиган гаплари бўлади.

Гуруҳимиз қийин, Албания билан ўйин эса бир қанча тузоқларга бой. Улар тезкор ва қарши ҳужумларни яхши кўрадилар. Биз 90-дақиқада ҳам ғалаба қозонишимиз мумкинлигини биламиз, аммо биз мувозанатли бўлишимиз керак", - деди Доннарумма матбуот анжуманида.