Endryu Robertson Shotlandiyaning Germaniyadan uchralgan mag‘lubiyati (1:5) haqida gapirdi.
Jamoalar Myunxenda Yevro-2024 ochilish o‘yinida maydonga tushishdi.
“Ochilish o‘yinida biz mezbon mamlakat bilan o‘ynadik va bunday natija bo‘lishi ajablanarli holat emas. Ko‘p xatolar bo‘ldi va biz buni hal qilishimiz kerak, chunki bu qisqa turnir.
Bu musobaqa qanchalik og‘ir ekanini, siz jahon darajasidagi jamoalarga qarshi o‘ynayotganingizni eslatib turadi. Biz maksimal darajada o‘ynamadik.
Biz g‘azabdamiz, o‘zimizdan hafsalamiz pir bo‘ldi, lekin biz ijobiy o‘ylashimiz va Shveysariyaga qarshi o‘yinga tayyorgarlik ko‘rishimiz kerak, bu esa yana bir qiyin sinov bo‘ladi”, dedi Shotlandiya sardori va “Liverpul” himoyachisi Robertson.
