Эндрю Робертсон Шотландиянинг Германиядан учралган мағлубияти (1:5) ҳақида гапирди.
Жамоалар Мюнхенда Евро-2024 очилиш ўйинида майдонга тушишди.
“Очилиш ўйинида биз мезбон мамлакат билан ўйнадик ва бундай натижа бўлиши ажабланарли ҳолат эмас. Кўп хатолар бўлди ва биз буни ҳал қилишимиз керак, чунки бу қисқа турнир.
Бу мусобақа қанчалик оғир эканини, сиз жаҳон даражасидаги жамоаларга қарши ўйнаётганингизни эслатиб туради. Биз максимал даражада ўйнамадик.
Биз ғазабдамиз, ўзимиздан ҳафсаламиз пир бўлди, лекин биз ижобий ўйлашимиз ва Швейцарияга қарши ўйинга тайёргарлик кўришимиз керак, бу эса яна бир қийин синов бўлади”, деди Шотландия сардори ва “Ливерпуль” ҳимоячиси Робертсон.
