Yevropa chempionati ikkinchi o‘yin kungi ilk uchrashuvda Shveysariya terma jamoasi Vengriyani ishonchli tarzda mag‘lub etdi – 3:1. Jamoalar “A” guruhida to‘qnash kelishdi.
“Bolonya” yarim himoyachisi Mishel Ebisher Shveysariya termasi uchun gol va golli uzatma amalga oshirdi. Avvaliga o‘yinning 12-daqiqasida u Kvadvo Duaga assistentlik qilgan bo‘lsa, 45-daqiqada o‘zi uzoq masofadan yo‘llagan zarbasi bilan Vengriya darvozasiga to‘p kiritdi.
Opta xabariga ko‘ra, Ebishcher Yevro o‘yinida gol urgan va golli uzatmani amalga oshirgan tarixdagi birinchi shveysariyalik futbolchi bo‘ldi.
