Европа чемпионати иккинчи ўйин кунги илк учрашувда Швейцария терма жамоаси Венгрияни ишончли тарзда мағлуб этди – 3:1. Жамоалар “А” гуруҳида тўқнаш келишди.
“Болонья” ярим ҳимоячиси Мишель Эбишер Швейцария термаси учун гол ва голли узатма амалга оширди. Аввалига ўйиннинг 12-дақиқасида у Квадво Дуага ассистентлик қилган бўлса, 45-дақиқада ўзи узоқ масофадан йўллаган зарбаси билан Венгрия дарвозасига тўп киритди.
Opta хабарига кўра, Эбишчер Евро ўйинида гол урган ва голли узатмани амалга оширган тарихдаги биринчи швейцариялик футболчи бўлди.
