Italiya terma jamoasi bosh murabbiyi Luchano Spaletti jamoasining ispaniyalik raqiblarga qarshi navbatdagi o‘yinidan nimani kutayotgani haqida gapirdi.
Italiyaliklar va ispanlar Yevropa chempionatini g‘alabalar bilan boshlashdi: "adzurri" Albaniya bilan uchrashuvda (2:1) uch ochkoga ega bo‘ldi, “qizil furiya” esa Xorvatiyani ishonchli tarzda mag‘lub etdi (3:0).
20-iyun kuni “B” guruhining ikki asosiy favoriti o‘rtasida to‘qnashuv bo‘lib o‘tadi.
“O‘ylashimcha, Ispaniya Albaniyadan boshqacha harakat qiladi va bizga bosim ko‘proq bo‘ladi. Bizdan to‘pni kechagidan tezroq harakatlantirish talab qilinadi.
Ispanlar bilan o‘yinda tez-tez oldinga o‘ynash, himoyachilar orasida ko‘proq to‘p uzatish talab etiladi", - deya Spalettining so‘zlarini keltiradi UEFA rasmiy sayti.
