Италия терма жамоаси бош мураббийи Лучано Спалетти жамоасининг испаниялик рақибларга қарши навбатдаги ўйинидан нимани кутаётгани ҳақида гапирди.
Италияликлар ва испанлар Европа чемпионатини ғалабалар билан бошлашди: "адзурри" Альбания билан учрашувда (2:1) уч очкога эга бўлди, “қизил фурия” эса Хорватияни ишончли тарзда мағлуб этди (3:0).
20-июнь куни “Б” гуруҳининг икки асосий фаворити ўртасида тўқнашув бўлиб ўтади.
“Ўйлашимча, Испания Альбаниядан бошқача ҳаракат қилади ва бизга босим кўпроқ бўлади. Биздан тўпни кечагидан тезроқ ҳаракатлантириш талаб қилинади.
Испанлар билан ўйинда тез-тез олдинга ўйнаш, ҳимоячилар орасида кўпроқ тўп узатиш талаб этилади", - дея Спалеттининг сўзларини келтиради УEФА расмий сайти.
