Daniya terma jamoasi bosh murabbiyi Kasper Yulmann Sloveniyaga qarshi o‘yin (1:1) haqidagi fikrlari bilan o‘rtoqlashdi.
Daniyaliklar 17-daqiqada Kristian Eriksenning aniq zarbasi evaziga hisobda oldinga chiqib olishdi.
Yulmann shogirdlari 77-daqiqagacha ustunlikni saqlab qoldi, Erik Yanja hisobni tenglashtirdi va sloveniyaliklarga durang keltirdi.
“O‘ylashimcha, biz birinchi bo‘limni yaxshi o‘tkazdik, ammo 70-daqiqadan so‘ng kuch yetishmadi. Biz haddan tashqari passiv o‘ynay boshladik, bizga intensivlik yetishmadi.
Ajoyib qarshi hujum bo‘ldi, undan foydalana olmadik. Ba’zida siz 1:0 hisobida oldinda bo‘lib, ikkinchi golni ura olmasangiz, ichingizda nimadir sodir bo‘ladi.
Shu bois ustunlikni oshirish muhim edi", - deya Yulmanning so‘zlarini keltiradi UEFA rasmiy sayti.
