Дания терма жамоаси бош мураббийи Каспер Юльманн Словенияга қарши ўйин (1:1) ҳақидаги фикрлари билан ўртоқлашди.
Данияликлар 17-дақиқада Кристиан Эриксеннинг аниқ зарбаси эвазига ҳисобда олдинга чиқиб олишди.
Юльманн шогирдлари 77-дақиқагача устунликни сақлаб қолди, Эрик Янжа ҳисобни тенглаштирди ва словенияликларга дуранг келтирди.
“Ўйлашимча, биз биринчи бўлимни яхши ўтказдик, аммо 70-дақиқадан сўнг куч етишмади. Биз ҳаддан ташқари пассив ўйнай бошладик, бизга интенсивлик етишмади.
Ажойиб қарши ҳужум бўлди, ундан фойдалана олмадик. Баъзида сиз 1:0 ҳисобида олдинда бўлиб, иккинчи голни ура олмасангиз, ичингизда нимадир содир бўлади.
Шу боис устунликни ошириш муҳим эди", - дея Юльманнинг сўзларини келтиради УEФА расмий сайти.
