Ukraina terma jamoasi himoyachisi Aleksandr Zinchenko 2024 yilgi Yevropa chempionatidagi ilk o‘yinda Ruminiyadan uchralgan yirik hisobdagi mag‘lubiyatdan so‘ng o‘z fikrlarini bildirdi. Xabaringiz bor, Ukraina terma jamoasi 0:3 hisobida mag‘lub bo‘lgandi.

"Nima deyishni bilmayman. Bizni qo‘llab-quvvatlash uchun kelgan muxlislarning ko‘ziga qarash uyat. Faqat shuni ayta olamanki, keyingi o‘yinda g‘alaba qozonish va guruhdan chiqish imkoniyatini saqlab qolish uchun qo‘limizdan kelganini qilamiz", — dedi Zinchenko.

Ukraina terma jamoasi 21 iyun, juma kuni Yevro-2024 doirasidagi ikkinchi o‘yinni o‘tkazadi. Sergey Rebrov shogirdlari Slovakiyaga qarshi bahs olib boradi.