Londonning "Arsenal" klubi yozda o‘z safiga yangi yarim himoyachini qo‘shib olmoqchi. The Athletic xabariga ko‘ra, yangi yarim himoyachi bilan shartnoma imzolash yaqin haftalarda Mikel Arteta jamoasi uchun ustuvor vazifa bo‘ladi.
Avvalroq "Real Sosyedad"dan Martin Subimendi va "Nyukasl"dan Bruno Gimaraes kabi yarim himoyachilarga "Arsenal" qiziqayotgan edi. "Kanonirlar" rahbariyatiga kim ustuvor nomzod ekanligi hozircha noma’lum.
Yarim himoyachi Tomas Parti ushbu mavsum oralig‘ida "Arsenal"ni tark etishi mumkin. Mikel Arteta jamoasi ganalik futbolchining o‘rniga yangi yarim himoyachi taklif qilmoqchi.
