"Chelsi" vingeri Mixail Mudrik yozgi transfer oynasida klubini o‘zgartirishi mumkin.

Football Insider xabariga ko‘ra, London jamoasi boshliqlari o‘tgan yilning yanvar oyida jamoaga kelib qo‘shilgan 23 yoshli futbolchini sotishga tayyor. Ma’lum qilinishicha, Maurisio Pochettino Mudrikning o‘yinidan mamnun emasdi, biroq yangi bosh murabbiy Enso Mareska rahbariyatni futbolchiga munosabatini o‘zgartirishga ko‘ndira oladi.

O‘tgan mavsumda Mudrik barcha musobaqalarda 42 ta o‘yinda qatnashib, 7 ta gol urdi va ikkita golli uzatmani amalga oshirdi.