Chexiya terma jamoasi bosh murabbiyi Ivan Gashek jamoasining mag‘lubiyati tabiiy ekanligini tan oldi. Chexlar 62-daqiqada Lukas Provodning goli evaziga hisobda oldinga chiqib olishgandi, biroq 67-daqiqadagi Robin Granachning avtogoli va qo‘shimcha daqiqalarda Fransishku Konseysauning aniq zarbasi portugaliyaliklarga 3 ochko keltirdi.
“Biz ochko olishga juda yaqin bo‘lsak-da, ishimizni tugatmaganimiz achinarli. Biz dunyoning eng kuchli jamoalaridan birining vaziyatini juda qiyinlashtirdik.
Oxirida hal qiluvchi golni o‘tkazib yuborish uyat, lekin biz buni imkon qadar tezroq unutishimiz kerak - to‘rt kundan keyin bizni Gruziyaga qarshi asosiy o‘yin kutib turibdi.
To‘pni o‘zimizda saqlolmadik, raqib bizni ko‘p himoyalanishga majbur qildi. Portugaliya yaxshiroq edi va g‘alabaga haqli edi, ammo men futbolchilarimga sa’y-harakatlari uchun rahmat aytmoqchiman", - deya Gashek so‘zlaridan iqtibos keltiradi UEFA matbuot xizmati.
