Serbiya terma jamoasi sardori Dushan Tadich Yevropa chempionati guruh bosqichida Angliyaga qarshi o‘yindan so‘ng aytgan so‘zlari uchun uzr so‘radi.
Serblar Yevro-2024ni Angliyaga 0:1 hisobida mag‘lub bo‘lib, mag‘lubiyat bilan boshlashdi. Ikkinchi bo‘lim o‘rtalarida zaxiradan maydonga tushgan Tadich o‘yindan so‘ng jamoaning eng yaxshi futbolchisi ekanligini va to‘liq 90 daqiqa o‘ynashi kerakligini aytdi.
"Agar men boshlang‘ich tarkibda o‘ynaganimda hammasi boshqacha bo‘lardi. Ammo Dushan Tadich 30 daqiqa o‘ynashini istasangiz, shunday bo‘lsin", - deya norozi bo‘ldi 35 yoshli Tadich.
Serbiya futbol ittifoqi matbuot xizmati bir kun avval Tadich jamoadan uzr so‘ragani haqida xabar berdi.
"Milliy terma jamoa sardori Dushan Tadich fursatdan foydalanib, Angliya bilan o‘yindan so‘ng o‘rinsiz izohlari uchun murabbiy Stoykovich va jamoadoshlaridan uzr so‘radi", — deyiladi xabarda.
Serbiya Yevropa chempionatidagi navbatdagi o‘yinini 20 iyun kuni Sloveniyaga qarshi o‘tkazadi.
