Belgiya va Isroil o‘rtasidagi uchrashuv ehtimoliy norozilik tufayli Bryusselda o‘tkazilmaydi.
Belgiya poytaxti shahar hokimiyati 6 sentyabrga belgilangan Millatlar ligasi o‘yinini o‘tkazishdan bosh tortdi.
«Bryussel Belgiya va Isroil o‘rtasidagi o‘yinni tashkil etishni imkonsiz deb hisoblamoqda.
Ehtiyotkorlik va chuqur tahlildan so‘ng shunday xulosaga keldikki, mana shunday notinch kunlarda poytaxtimizda bunday o‘yinni o‘tkazish katta norozilik va qarshi namoyishlarga sabab bo‘lishi shubhasiz.
Bu tomoshabinlar, futbolchilar, Bryussel aholisi va polisiya xodimlarimiz xavfsizligiga xavf tug‘diradi”, — deyiladi Bryussel rasmiylari bayonotida.
