Бельгия ва Исроил ўртасидаги учрашув эҳтимолий норозилик туфайли Брюсселда ўтказилмайди.
Бельгия пойтахти шаҳар ҳокимияти 6 сентябрга белгиланган Миллатлар лигаси ўйинини ўтказишдан бош тортди.
«Брюссел Бельгия ва Исроил ўртасидаги ўйинни ташкил этишни имконсиз деб ҳисобламоқда.
Эҳтиёткорлик ва чуқур таҳлилдан сўнг шундай хулосага келдикки, мана шундай нотинч кунларда пойтахтимизда бундай ўйинни ўтказиш катта норозилик ва қарши намойишларга сабаб бўлиши шубҳасиз.
Бу томошабинлар, футболчилар, Брюссел аҳолиси ва полиция ходимларимиз хавфсизлигига хавф туғдиради”, — дейилади Брюссел расмийлари баёнотида.
