"PSJ" "Lion"ning hujumkor yarim himoyachisi Rayan Sherkini sotib olishga urinishlari muvaffaqiyatsizlikka uchradi.

Parij grandi 20 yoshli futbolchi uchun bonuslar bilan birga taxminan 15 million yevro taklif qilgandi, ammo bunday shartlar "Lion"ni qoniqtirmadi. Insayder Fabrisio Romanoning so‘zlariga ko‘ra, "Lion" rahbariyati o‘z tarbiyalanuvchisini kelajakda qayta sotishdan katta daromad olishni istamoqda va shuning uchun kelishuvga tegishli bandni kiritishni talab qilmoqda. "PSJ" hali kurashni tark etgani yo‘q va muzokaralarni davom ettirmoqda.

Rayan Sherki so‘nggi Liga 1 mavsumida 33 ta o‘yinda maydonga tushib, 1 ta gol va 6 ta golli uzatmaga mualliflik qildi. O‘yinchining amaldagi shartnomasi bir yildan keyin tugaydi.